அரசியல் சாசன தினம் நாடு முழுவதும் இன்று கொண்டாடப்படுகிறது. "எனது அரசியல் சாசனம் எனது பெருமை" என்பதே இந்த ஆண்டின் மையக்கருத்தாகும். இந்திய அரசியல் சாசனம் ஏற்றுக்கொள்ளப்பட்டதின் 76-ம் ஆண்டு தினத்தை ஒட்டி, நாடாளுமன்ற மைய மண்டபத்தில் நடைபெறும் விழாவில் குடியரசுத் தலைவர் திருமதி திரௌபதி முர்மு, குடியரசு துணைத் தலைவர் திரு சி.பி. ராதாகிருஷ்ணன், பிரதமர் திரு நரேந்திர மோடி, மக்களவை தலைவர் திரு ஓம் பிர்லா, மத்திய அமைச்சர்கள் மற்றும் நாடாளுமன்ற உறுப்பினர்கள் பங்கேற்க உள்ளனர்.
.png)
இந்நாளை ஒட்டி மலையாளம், தெலுங்கு, மராத்தி, காஷ்மீரி, பஞ்சாபி, ஒடியா, அசாமிஸ், போடோ மற்றும் நேபாளி ஆகிய ஒன்பது மொழிகளில் அரசியல் சாசன மொழிபெயர்ப்பும் இன்று வெளியிடப்படுகிறது.
அதே வேளையில், நகரங்கள், கிராமம் என நாடு முழுவதும் நடைபெறும் நிகழ்ச்சிகளில் பொதுமக்களும், அரசு ஊழியர்களும் பங்கேற்று அரசியல் சாசனத்தின் முகப்புரையை வாசிக்க உள்ளனர்.
மத்திய மாநில அரசுகள், யூனியன் பிரதேசங்கள் மற்றும் உள்ளாட்சி அமைப்புகளின் சார்பில் பல்வேறு நிகழ்ச்சிகளுக்கு ஏற்பாடு செய்யப்பட்டுள்ளன.
